Սերժ Սարգսյանի պատասխանը հիստերիա է բարձրացրել Թուրքիայում

Թուրքական գրեթե բոլոր թերթերն ու կայքերը հրապարակել են ՀՀ նախագահ Սերժ Սարգսյանի պատասխան նամակը Թուրքիայի նախագահ Ռեջեփ Թայիփ Էրդողանի հրավերին:

T24 և Radikal կայքերի ֆեյսբուքյան էջերում տեղադրված լուրերի տակ մեկնաբաննություններ թողած թուրքերը հայհոյանքների, վիրավորանքների և սպառնալիքների տարափ են սկսել ընդդեմ հայերի:

Օգտատատերերից մեկն այնքան է «ներծծվել» թուրքական իշխանությունների հակահայ դաստիարակությամբ, որ թողել է հետևյալ մեկնաբանությունը. «Հայի բիճ, թուրքի թշնամի: Չգաս Թուրքիա, զգուշացնում եմ քեզ: Հայե’ր, կորչեք մեր երկրից»:

Մեկ այլ օգտատեր չի վարանել սպառնալիքներ հնչեցնել հայերի հասցեին` խոսքն ուղղելով Սերժ Սարգսյանին. «Սարգսյա’ն, այս անգամ կոտորելու ենք ձեզ»: Այս տողերի մեջ, սակայն, օգտատերն անուղղակիորեն ընդունել է նախկինում հայերին ցեղասպանելու փաստը, եթե նա մտադրվել է «այս անգամ» կիսատ չթողնել նախկինում սկսած գործը:

Այս ամենից կարող ենք ենթադրել, որ թուրքերն իրականում չէին սպասում պատասխան նամակի: Ինչը նրանց զայրույթը կրկնապատկեց հատկապես այն բանից հետո, երբ Սերժ Սարգսյանը պատմական փաստերի մեջբերումով հրաժարվում է ներկա գտնվել մի միջոցառման, որն ակնհայտորեն կազմակերպվել է Ռեջեփ Թայիփ Էրդողանին Հայաստան գալու ծանր բեռից ազատելու համար:

Հիշեցնենք, որ երեկ Թուրքիայի ղեկավարը ՀՀ նախագահ Սերժ Սարգսյանին պաշտոնական հրավեր էր ուղարկել` ապրիլի 24-ին ներկա գտնվելու Չանաքքալեի ճակատամարտի 100-ամյակի միջոցառումներին, որն իրականում տեղի է ունեցել 1915 թվականի մարտի 18-ին: