«Արմենիա» ԲԿ-ում տեղի ունեցած միջադեպի փաստով քրեական գործ է հարուցվել

Երեկ երեկոյան «Արմենիա» ԲԿ-ում տեղի ունեցած միջադեպի առթիվ ՀՀ քննչական կոմիտեում հարուցվել է քրեական գործ` ՀՀ ՔՕ 258-րդ հոդվածի 3-րդ մասի 2-րդ կետի (խուլիգանություն, որը կատարվել է իշխանության ներկայացուցչին կամ հասարակական կարգի պահպանության պարտականություն իրականացնող կամ հասարակական կարգի խախտումը խափանող անձին դիմադրություն ցույց տալով,) և ՔՕ 316-րդ հոդվածի 1-ին մասի հատկանիշներով (իշխանության ներկայացուցչի նկատմամբ բռնություն գործադրելը): Այս մասին yerkir.am-ին հայտնեցին ՀՀ քննչական կոմիտեից:

Հիշեցնենք, որ երեկ հիվանդանոցի վերակենդանացման բաժանմունքում հիվանդը, գիտակցության գալով, կոտրել է սենյակի գույքը և հարձակվել բժիշկների ու իրեն դիմադրություն ցույց տված ոստիկանության աշխատակցի վրա: