Քանաքեռի թաղապետի և պատգամավորի անվան հետ կապված միջադեպի փաստով քրեական գործ է հարուցվել

Հոկտեմբերի 29-ին ՀՀ կառավարությանն առընթեր ոստիկանության Կենտրոնի բաժնում հաղորդում են տվել Կարեն, Աշոտ Բեժանյանները, Սարգիս Անտոնյանը և հայտնել, որ նույն օրը` ժամը 19:30-ի սահմաններում, մի խումբ անհայտ անձինք Երևան քաղաքում գործող «Կաֆե հաուզ» սրճարանի դիմաց ծեծի են ենթարկել իրենց և մարմնական վնասվածքներ պատճառել: Այս մասին yerkir.am-ին հայտնեցին քննչական կոմիտեից:

Դեպքի առթիվ քննչական կոմիտեի Երևան քաղաքի վարչության Կենտրոն և Նորք-ժՄարաշ վարչական շրջանների քննչական բաժնում հարուցվել է քրեական գործ` ՀՀ ՔՕ 258-րդ հոդվածի 3-րդ մասի 1-ին կետով (խուլիգանություն) : Կատարվում է նախաքննություն:

«Փաստինֆո»-ի տեղեկություններով` կռվախնձորը աղջիկ է, որին համակրում է թե'  «Էլեգանտ» ՍՊԸ-ի տնօրեն Կարեն Բեժանյանի որդին և թե' պատգամավոր Արթուր Ստեփանյանի որդին: Նրանց հայրերը դեպքի օրը հանդիպել են, որպեսզի զրուցեն խնդրի վերաբերյալ: Հանդիպմանը ներկա է եղել Քանաքեռի թաղապետը: