Մարտակերտի հենակետում տեղի ունեցած միջադեպի փաստով քրեական գործ է հարուցվել

Քրեական գործ է հարուցվել ղարաբաղա-ադրբեջանական հակամարտ զորքերի շփման գծի հյուսիսային ուղղությամբ տեղակայված զորամասերից մեկի պահպանության տեղամասի մարտական հենակետում տեղի ունեցած միջադեպի կապակցությամբ, որի հետեւանքով մահացու հրազենային վերք է ստացել զինծառայող` 1994թ. ծնված Արման Արտյուշայի Ղուկասյանը և վիրավորվել 26 -ամյա սպա Վարազդատ Զաքարյանը: Այս մասին yerkir.am-ին հայտնեց ՊՆ քննչական ծառայության ավագ սպա Մերի Սարգսյանը:

Քրեական գործը հարուցվել է ՀՀ ՔՕ 365-րդ հոդվածի 3-րդ մասի հատկանիշներով` մարտական հերթապահություն կամ մարտական ծառայություն կրելու կանոնները խախտելը:

Հիշեցնենք, որ Արման Ղուկասյանը Սյունիքի մարզի Տեղ գյուղից է և աշնանը պետք է զորացրվեր: