Այս պահին Երևանում sett-weather
Փոխարժեքներ 22 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 9 տարի առաջ - 2015-07-20 16:54
Իրավական

Սյունիքի մարզպետի մահափորձի գործով մեղադրյալ Գարեն Աթաջանյանը կմնա կալանքի տակ

Սյունիքի մարզպետի մահափորձի գործով մեղադրյալ Գարեն Աթաջանյանը կմնա կալանքի տակ
Ինչպես հաղորդում է «Փաստինֆո»-ն, Սյունիքի մարզպետի մահափորձի գործով մեղադրյալ Գարեն Աթաջանյանը կմնա կալանքի տակ: Այսօր նման որոշում է կայացրել Վերաքննիչ դատարանը՝ քննելով Աթաջանյանի նկատմամբ կիրառված խափանման միջոց կալանքը վերացնելու վերաբերյալ նրա փաստաբան Վահան Հովհաննիսյանի միջնորդությունը:
 
«Եղավ այն, ինչ և սպասվում էր»,-«Փաստինֆո»-ի  հետ զրույցում, մեկնաբանելով միջնորդությունը մերժելու մասին որոշումը, նշեց փաստաբանը: 
 
«Եթե պաշտպանական կողմից 15 էջ հիմնավորումներով վերաքննիչ բողոք է ներկայացվում, վերաքննիչ բողոքը քննվում է մեկ ժամում, հարգելի դատավոր Տեր-Ադամյանը, ընդամենը 6 րոպե մնալով խորհրդակցական սենյակում, որոշում է կայացնում, որ ներկայացված վերաքննիչ բողոքը հիմնավոր չէր,- ասաց Վահան Հովհաննիսյանը՝ հավելելով,- «մեկնաբանությունները թողնում են ձեզ, թե նիչպես է լինում, որ ընդամենը 6 րոպե է մնում դատավորը խորհրդակցական սենյակում և հանգում է որոշման, որ ներկայացված վերաքննիչ բողոքը հիմնավոր չէր»:
 
Ի դեպ, Գարեն Աթաջանյանի փաստաբանը դիմել էր նաև նախաքննական մարմին՝ գործով անցնող մյուս մեղադրյալների հետ իր պաշտպանյալի առերեսումն իրականացնելու միջնորդությամբ: Վահան Հովհաննիսյանը տեղեկացրեց, որ նախաքննական մարմինը բավարարել է միջնորդությունը, բայց առերեսում առայժմ չի կատարվել:
 
«Որովհետև ես չգիտեմ, թե ում հետ պիտի կատարվի իմ պաշտպանյալի առերեսումը, ինձ էլ է հետաքրքիր»,- ասաց փաստաբանը՝ վերահաստատելով, որ մեղադրյալներից որևէ մեկին իր պաշտպանյալը չի ճանաչել և չի ճանաչում:
 
«Միայն Վիտալիի հետ ծանոթացել է դեպքից 20-24 օր անց: Այդ կապակցությամբ և միջնորդություն է արվել, այդ կապակցությամբ ևս միջնորդությունը բավարարվել է՝ պարզել նրանց միջև առկա միջանձնային շփումներն ու կապերը»,- ասաց Վահան Հովհաննիսյանը»,- կարդում ենք կայքում:
 
Հիշեցնենք` Սյունիքի մարզպետ Սուրիկ Խաչատրյանի և նրա ուղեկիցների նկատմամբ մայիսի 20-ին հրազենի գործադրմամբ սպանության փորձ կատարելու դեպքի առթիվ հարուցված քրեական գործի շրջանակներում ԱԱԾ կողմից հուլիսի 3-ին ձերբակալվել էին Սյունիքի մարզի բնակիչներ Գարեն Աթաջանյանը, Հենրիկ Ավագյանը, Վիտալի Մինասյանը և Արա Բուդաղյանը:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը