Պատգամավորը հանգստի համար նախընտրում է Դիլիջանը

ԱԺ ՀՀԿ խմբակցության պատգամավոր Արփինե Հովհաննիսյանը դեռ վերջնականապես չի որոշել, թե ինչպես է անցկացնելու ամառային հանգիստը և որտեղ: Yerkir.am-ի հետ զրույցում նա նշեց, որ ամառային արձակուրդներն անցկացնելու է իր ընտանիքի հետ, մայրիկի հետ, բայց քանի դեռ արձակուրդը ձևակերպված չէ, դեռ չեն որոշել` Հայաստանո՞ւմ կանցկացնեն, թե՞ արտերկրում:

«Ամենայն հավանականությամբ, օգոստոսին կվերցնեմ արձակուրդը` մեկ շաբաթից մինչև տասը օր տևողությամբ»,- ասաց Արփինե Հովհաննիսյանը:

Հարցին, թե հնարավո՞ր է Ծաղկաձորում անցկացնի իր ամառային հանգիստը, Արփինե Հովհաննիսյանը պատասխանեց. «Չեմ կարծում, որ Ծաղկաձոր կգնանք: Ես և մայրիկս նախընտրում ենք Դիլիջանը»: