Հայաստանը դարձել է ռուս զբոսաշրջիկների շրջանում ամենատարածված ուղղությունը ձմեռային հանգստի համար

Որպես այս տարվա ձմեռային ամիսների հանգստի ուղղություններ՝ ռուս զբոսաշրջիկներն ավելի հաճախ ընտրում  են Հայաստանը, Թաիլանդը, Թուրքիան, Ադրբեջանը և Շրի Լանկան: Այս մասին հայտնում է «Կոմերսանտ»-ը՝ վկայակոչելով «Յանդեքս» որոնման համակարգի և ավիատոմսերի ամրագրման տվյալների ուսումնասիրությունը:

Վիետնամն ու Ինդոնեզիան իրենց դիրքերը կորցրել են նվազ հասանելիության պատճառով՝ կորոնավիրուսի համավարակի ֆոնին:

Նշվում է, որ հեռավար աշխատանքի շնորհիվ շատերն են նախընտրում ձմեռային հանգիստն անցկացնել տաք երկրներում, որոնց թվում առաջատարը Հայաստանն է: Ամենանախընտրելի քաղաքներն են՝ Երևանը Փհուկետը, Բաքուն, Կոլոմբոն և Ստամբուլը:

Ամենամատչելի ավիաչվերթերն այս շրջանում իրականացվում են դեպի Հայաստան և Թուրքիա: