Շաբաթ-կիրակի է, հանգստացեք. ոստիկանապետն ասաց, թե երբ կդիմեն ուժի

Այսօր լրագրողների հետ զրույցում ՀՀ ոստիկանապետ Վլադիմիր Գասպարյանը «հեքիաթներ» որակեց այն լուրերը, թե իբր կառավարության որոշմամբ արգելված է քաղաքացիական հագուստով ոստիկանների ներկայությունը բողոքի ակցիայի ժամանակ: «Չկա նման բան»,- հայտարարեց նա:

Ոստիկանապետը հայտնեց, որ ոստիկանությունը գործողության կդիմի միայն այն ժամանակ, երբ օրինախախտում լինի: «Վստահ եմ, որ ուժ կիրառելու անհրաժեշտություն չի լինի»,- հավելեց նա: Նաեւ վստահեցրեց, որ ոստիկանությունը միշտ կատարում է իր խոստումը:

Գասպարյանը կոչ արեց լրատվամիջոցներին` ավելորդ չսրել իրավիճակը: Իսկ վերջում հայտարարեց. «Երեխե\'ք ջան, մի\' անհանգստացեք: Շաբաթ-կիրակի է, հանգստացե\'ք»: