Եթե նույնիսկ շաբաթ-կիրակի շենքը փակ լինի, բակում կարող եք զբոսնել. Բաբլոյանը` Թովմասյանին

ԱԺ-ն քննարկում է որպես ՍԴ անդամ Հրայր Թովմասյանին ընտրելու հարցը: 

«Երբ 22 տարի առաջ ոտք դրեցի ՍԴ, միայն վառ երևակայության տեր մարդը կամ պայծառատեսը կարող էր մտածել, որ 22 տարի հետո հավակնություն եմ ունենալու դառնալու ՍԴ անդամ: Ես այդ մարդկանց թվին չէի դասվում և ուրախ էի, որ այդ տարիքում արդեն աշխատում էի ՍԴ-ում»,- նշեց Թովմասյանը։

Նա հույս հայտնեց, որ, հավանաբար, մոտ ժամանակներս ևս իր քայլերն իրեն կբերեն խորհրդարան։ «Այս շենքը, անկախ ամեն ինչից, միշտ շարունակելու է մնալ ինձ համար հարազատ մի շենք»,- ասաց Թովմասյանը։

«Եթե նույնիսկ շաբաթ-կիրակի շենքը փակ լինի, բակում կարող եք զբոսնել»,- կատակեց նրա թեկնածությունն առաջադրած` ԱԺ նախագահ Արա Բաբլոյանը։