Անամոթության այս մակարդակն ունեցող այս երկրում 1915 թվականին ինչե՞ր են արել ուրեմն. Թաներ Աքչամ

Թուրք հայտնի պատմաբան Թաներ Աքչամը մեկնաբանել է Թուզլայի հայկական որբանոցի ոչնչացման գործողության «ժամանակավոր» դադարեցումը:

Ֆեյսբուքյան իր էջում Աքչամը գրել է.

«Իրականում չէի անելու այս մեկնաբանությունը, սակայն չեմ կարող: Շատ մարդիկ բանավիճում են` 1915 թվականին Ցեղասպանություն եղե՞լ է, թե՞ ոչ…Արա', նորմալ պայմաններում անգամ հայերի սեփականություն գույքը ուղտի սապատով կուլ տվող (գողացող- խմբ.), դրա վրա, առանց ամաչելու, շքեղ առանձնատներ կառուցող և հետո էլ՝ «այն, ինչ արել եմ հայերի համար, ոչ ոք չի արել» ասելով ֆռֆռացող մի պետության մեջ ենք ապրում...Երբ Հրանտը լսել էր, որ իր ձեռքերով կառուցված շենքն են բռնագրավում, «ափսոս» էր ասել…Ես «թուհ, ձեզ»-ն անգամ քիչ եմ համարում: Անամոթության այս մակարդակն ունեցող այս երկրում 1915 թվականին ինչե՞ր են արել ուրեմն»: