Բռնի իսլամացումը Թուրքիայի քաղաքականության էական մասն է. Թաներ Աքչամ

«Իսլամացված հայեր» համաժողովի առաջին օրվա ելույթում պատմաբան Թաներ Աքչամը անդրադարձել է 1915 թվականի Հայոց ցեղասպանության ընթացքում ուծացման` ասիմիլյացիայի մեծ դերին:

Agos.com-ը տեղեկացնում է, որ պարբերականը համաժողովում հնչած` Հայոց ցեղասպանության մասին ելույթներից բաղկացած հատուկ թողարկում է հրատարակել:

«Հրեական ցեղասպանությունն ամեն ինչի կենտրոնում կանգնեց: «Դեպք, որ Հոլոքոստին է նման, այնքան էլ ցեղասպանություն է» հասկացությունը երևան եկավ: Դրա հետևանքով էլ սահմանմանը բնորոշ իրականություն հորինվեց»,- ասել է Թաներ Աքչամ:

Հայոց ցեղասպանության ընթացքում տեղի ունեցած ասիմիլյացիային քիչ անդրադառնալը պատմաբանը բացատրում է երկու պատճառով: Առաջին` Թուրքիայի երկյուղը, որ ցեղասպանությունը, որպես քրեական իրավունքի հասկացություն, հասարակական գիտություններում հիմք կընդունվի, նման անխուսափելի արդյունք ծնեց: Երկրորդ` Հայոց ցեղասպանությունը հասկանալու և պատմելու համար մեր օգտագործած աղբյուրների այս տեսակ անփութությունը:

«Հանգիստ կարող ենք ասել, որ Հայոց ցեղասպանության ընթացքում ասիմիլյացիան ծայրաստիճան համակարգված է կիրառվել և բռնի ուժով իսլամացումը այս քաղաքականության էական մասն է կազմել»,- ընդգծել է պատմաբանը: