«1915»-ը ցուցադրվել է Ֆրեզնոյում և Գլենդեյլում

Կարին Հովհաննիսյանի «1915» ֆիլմը երեկ ցուցադրվել է Գլենդեյլում և Ֆրեզնոյում: Ֆիլմը նվիրված է Ցեղասպանության 100-րդ տարելիցին:

Ֆիլմի ռեժիսորներն ու սցենարի հեղինակներն են Կարին Հովհաննիսյանը (Րաֆֆի Հովհաննիսյանի որդին է) և Ալեք Մուհիբյանը: Լիամետրաժ ֆիլմի կարգախոսն է` «Չես կարող փախչել անցյալից»: Գլխավոր դերերում հանդես են գալիս դերասաններ Սիմոն Աբգարյանը, Անժելա Սարաֆյանը, Սեմ Փեյջը, Նիլոլայ Կինսկին, Ջիմ Փիդոքը: Ֆիլմը նկարահանվել է Լոս Անջելեսում: Նշենք նաև, որ ֆիլմի երաժշտության հեղինակը Սերժ Թանկյանն է:

Ֆիլմի պրեմիերան Հայաստանում տեղի էր ունեցել ապրիլի 25-ին` «Մոսկվա» կինոթատրոնում: