«1915». տարօրինակ և գաղտնիքներով լեցուն ֆիլմ. պրեմիերան` այսօր

Այսօր «Մոսկվա» կինոթատրոնում տեղի կունենա «1915» ֆիլմի պրեմիերան: Լրագրողների հետ հանդիպման ժամանակ ֆիլմի ռեժիսոր Կարին Հովհաննիսյանը նշեց, որ ֆիլմը Ցեղասպանության հոգեբանության,  անտեսանելի հետևանքների մասին է:

«Ֆիլմը նկարահանվել է 20 օրում` Լոս Անջելեսում: Ի սկզբանե գիտեինք, որ սովորական ֆիլմ չի լինելու: Մենք զգում էինք` 100-ամյակի ստվերը մեզ վրա է, և ֆիլմը հենց այս 100 տարիների մասին է: Ֆիլմը կարելի է կոչել տարօրինակ և գաղտնիքներով լեցուն»,- ասաց Հովհաննիսյանը:

Նա նշեց նաև, որ ֆիլմի միջոցով ուզում էր ցույց տալ, որ անցյալը չի մեռել: ֆիլմի ռեժիսորի հավաստմամբ`  ֆիլմում քաղաքական շեշտադրումներ չկան: 

Ինչ վերաբերում է թուրքերի անդրադարձին, ապա Կարինը նշեց, որ Գերմանիայում արդեն իսկ եղել է նման դեպք, որ թուրքերը դիտել են ֆիլմը և շատ լավ են արձագանքել."Անցյալի փաստերը թուրքերին պետք է մատուցես ճարպիկ և զգույշ":

 Ֆիլմի երաժշտության հեղինակը Սերժ Թանկյանն է, ով նշեց, որ ֆիլմի երաժշտությունն, այո, ինքն է  գրել, բայց թիմային աշխատանք են կատարել: