«1915». լիամետրաժ նոր ֆիլմ Հայոց ցեղասպանության մասին

Ապրիլի 25-ին «Մոսկվա» կինոթատրոնում տեղի կունենա Ցեղասպանության 100-րդ տարելիցին նվիրված «1915» ֆիլմի պրեմիերան: Ֆիլմի ռեժիսորներն ու սցենարի հեղինակներն են Կարին Հովհաննիսյանը (Րաֆֆի Հովհաննիսյանի որդին է) և Ալեք Մուհիբյանը:

Լիամետրաժ ֆիլմի կարգախոսն է` «Չես կարող փախչել անցյալից»: Գլխավոր դերերում հանդես են գալիս դերասաններ Սիմոն Աբգարյանը, Անժելա Սարաֆյանը, Սեմ Փեյջը, Նիլոլայ Կինսկին, Ջիմ Փիդոքը:

Ֆիլմը նկարահանվել է Լոս Անջելեսում: Նշենք նաև, որ ֆիլմի երաժշտության հեղինակը Սերժ Թանկյանն է:

Ֆիլմի պաշտոնական պրեմիերան տեղի կունենա ապրիլի 24-ին Կալիֆոռնիայի Ֆրեզնո քաղաքում: Մինչ Հայաստան հասնելը ֆիլմը կցուցադրվի նաև Բեռլինում /ապրիլի 5-ին/, Նյու Յորքում /ապրիլի 22-ին/:

Ֆիլմի պաշտոնական թրեյլերն արդեն պատրաստ է: