Վատիկանն իր ուսերից գցել է 100-ամյա հոգեբանական բեռը. Մահչուփյան

Հռոմի Ֆրանսիսկոս պապի հայտարարություններին, բացի Թուրքիայի բարձրաստիճան պաշտոնյաներից, Karar.com -ի հետ զրույցում անդրադարձել է նաև վարչապետ Ահմեդ Դավութօղլուի հայ խորհրդական Էթիեն Մահչուփյանը. տեղեկացում  է Haberler-ը:

«Բոսնիայում և Աֆրիկայում կատարվածները որպես ցեղասպանություն ընդունելուց հետո անհնար է 1915-ին հայերի նկատմամբ իրագործվածը ցեղասպանություն չանվանել: Վատիկանն իր ուսերից գցել է 100-ամյա հոգեբանական բեռը: «Ինչո՞ւ 100 տարի անց նա այդ բառն օգտագործեց» ասելու փոխարեն պետք է ասել՝ ինչո՞ւ այսքան տարի վարանեց դա ասել: Վատիկանը վաղուց կարող էր նման բան ասել, սակայն չասաց»,- ասել է Մահչուփյանը:

Նշելով, որ Վատիկանի հայտարարության մեջ պետք չէ քաղաքական կողմ փնտրել, Մահչուփյանն ասել է. «Ցեղասպանություն» բառն  այսուհետ թե’ հայերի, թե’ ոչ հայերի համար քաղաքականությունից ավելի է՝ հոգեբանական իմաստ է կրում»: