Հանցագործները ճանապարհին զենք են թողել. մանրամասներ Երրորդմասցի Լյովիկի սպանության վերաբերյալ

Արդեն հայտնել ենք, որ քիչ առաջ «Նուբարաշեն» քրեակատարողական հիմնարկի մոտ տեղի է ունեցել փոխհրաձգություն, որի ժամանակ սպանվել են հայտնի քրեական հեղինակություն Երրորդմասցի Լյովիկը և ևս երկու մարդ:

Այս պահին դեպքի վայրում են ՀՀ ոստիկանապետի առաջին տեղակալ Հունան Պողոսյանը, փոխոստիկանապետ Սամվել Հովհաննիսյանը, ոստիկանության Երևան քաղաքի վարչության պետ Աշոտ Կարապետյանը:

Դեպքի վայրից  Yerkir.am-ի թղթակիցը հայտնում է, որ այս պահին աշխատում են փորձագետները: Փախուստի ճանապարհին հանցագործները ինքնաձիգ և ատրճանակ են թողել ճանապարհին: Դեռևս հայտնի չէ, թե ինչպես է տեղի ունեցել միջադեպը:

Նշենք, որ արդեն պարզվել է անձանց ինքնությունը, ովքեր մահացել են հիվանդանոցի ճանապարհին՝ Դրաստամատ Թադևոսյանը և Լևոն Ղազարյանը: Իսկ «Նուբարաշեն» ՔԿՀ-ի դիմաց մնացած դիակի ինքնությունը հայտնի չէ:  Քիչ անց կներկայացնենք այլ մանրամասներ՝ տեսանյութով: