Երրորդմասցի Լյովիկի սպանության գործով բերման են ենթարկել հայտնի թամադայի

Արդեն հայտնել ենք, որ ՀՀ ազգային անվտանգության ծառայությունը և ոստիկանությունը համատեղ օպերատիվ-հետախուզական միջոցառումներ են ձեռնարկում Երրորդմասցի Լյովիկի՝ Լևոն Ղազարյանի և նրա ընկերների սպանության, ինչպես նաև ապօրինի զենք-զինամթերք պահելու մեջ մեղադրվող` 29-ամյա Սարգիս Գրիգորյանին ( Ծգլ), 31-ամյա Սարգիս Հախանումյանին (Տլե) և նրա հասակակից Վահան Հակոբյանին (Գաստիկ) հայտնաբերելու ուղղությամբ:

Yerkir.am-ի տեղեկություններով՝ հիշյալ անձանց հայտնաբերելու նպատակով  ոստիկանությունը հարցաքննում է նրանց հարազատներին, մտերիմներին, ծանոթներին: Մեր տեղեկություններով՝ հետախուզվողներից Սարգիս Գրիգորյանի գտնվելու մասին տեղեկություններ ստանալու ակնկալիքով ոստիկանությունը բերման է ենթարկել և հարցաքննում է նրա ազգականին, ով  շոու-բիզնեսում հայտնի թամադա է: Մեր տեղեկություններով` նա  այժմ գտնվում է ոստիկանության Շենգավիթի բաժնում, նրա անունը կհրապարակենք առաջիկայում: