Նոր զարգացումներ` Երրորդմասցի Լյովիկի սպանության գործում

Օրեր առաջ yerkir.am-ը գրել էր, որ իրավապահներն արդեն գտել են քրեական հեղինակություն Երրորդմասցի Լյովիկի սպանությունն իրագործողների և պատվիրատուների հետքը, և չի բացառվում, որ առաջիկա օրերին լինեն ձերբակալություններ: Մեր աղբյուրները հայտնել էին, որ հանցագործության հետքը տանում է բարձրաստիճան պաշտոնյայի հետ կապ ունեցող շրջանակ:

Երեկ news.am-ը գրել էր, որ Լեւոն Ղազարյանի եւ նրա ընկերների սպանության գործով մինչեւ 3 հոգի է ձերբակալվել: Ըստ շրջանառվող տեղեկությունների` նրանք ԱԺ պատգամավոր Մհեր Սեդրակյանի՝ Թոխմախի Մհերի շրջապատից են:

Տեղեկությունը փորձեցինք ճշտել ՀՀ ազգային անվտանգության ծառայությունից: Սակայն ԱԱԾ մամուլի կենտրոնից մեզ հայտնեցին, որ գործի վերաբերյալ ցանկացած տեղեկություն նախաքննական գաղտնիք է, և մանրամասներ պաշտոնապես կհաղորդեն, երբ նպատակահարմար համարեն: