Գագիկ Ծառուկյանի դեմ ճնշումները նրան քաղաքականությունից հեռացնելուն են ուղղված. ՀՀԿ պատգամավոր

ՀՀԿ խմբակցության պատգամավոր Մանվել Բադեյանի կարծիքով ՝ Սերժ Սարգսյանի հայտնի ելույթը ՀՀԿ-ի խորհրդի նիստի ժամանակ կոչ էր այն մասին, թե Գագիկ Ծառուկյանը չունի համապատասխան ռեսուրս` քաղաքականությամբ զբաղվելու համար: «Նա կոչ է անում, որ` պարո'ն Ծառուկյան, Դուք չունեք քաղաքական գործչի համապատասխան ռեսուրս: Քաղաքականությամբ զբաղվելը Ձեր բանը չէ»,- նշեց պատգամավորը:

Գագիկ Ծառուկյնաի հանդեպ ճնշումների առկայության մասին Մանվել Բադեյանի դիտարկումը հետևյալն է. «Քաղաքական ճնշում կա, իհարկե, ոչ միայն իշխանությունների կողմից, այլ նաեւ նրա կուսակցության ներսում նույնպես ճնշումներ կան: Քաղաքական գործիչը չի կարող ճնշումներից զերծ մնալ»: Պատգամավորը չբացառեց, որ Գագիկ Ծառուկյանի հանդեպ ճնշումներն ուղղված են նրան քաղաքականությունից հեռացնելուն: