Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
Լրագրող Ոսկան Սարգսյանը գրում է.
«Մայիսի 28-ին Հանրապետության տոնի առթիվ «ծառայության ընթացքում ցուցաբերած նվիրումի, օրինականության և հասարակական կարգի պահպանության գործում ներդրած ավանդի համար հասարակական կարգի գերազանց պահպանման համար» մեդալով պարգեւատրվողների թվում է ոստիկանության Բերդի բաժնի պետ, մայոր Արթուր Լոբյանը։
Մտածում էի, թե Լոբյանը հասարակական կարգի պահպանության գործում ի՞նչ հաջողություների է հասել, որ պարգևատրվել է:
Տավուշի մարզի բնակիչները համոզված են, որ նա պարգևատրվել է Նիկոլ Փաշինյանը այցը լուսաբանող լրագրող Անի Գևորգյանին Բաղանիսի դպոոցի տարածքից զոռով, բռնությամբ հեռացնելու «օպերացիային» մասնակցելու համար։
Արթուր Լոբյան, սահմանամերձ Արծվաբերդ գյուղի բնակիչ ես, Արծվաբերդը 44-օրյա պատերազմում 12 զոհ է տվել։
Նիկոլ Փաշինյանի խոսքերով՝ ինքը կարող էր տարածքները հանձնել առանց պատերազմի, նույն վիճակը կլիներ, սակայն առանց զոհերի։
Քո 12 համագյուղացիները և մոտ 5 հազար հայորդիներ զոհվել են, որովհետև Նիկոլ Փաշինյանը չի ցանկացել առանց զոհերի հողերը հանձնել, հանձնել է տարօրինակ պատերազմով և թաքուն կապիտուլյացիայով։
Դու Նիկոլ Փաշինյանի համար անցանկալի լրագրողին դպրոցից հեռացնելուն մասնակցելու, լրագրողի մասնագիտական պարտքը կատարելուն խանգարելու համար մեդալի ես արժանացել։
Ինչպե՞ս ես կրելու այդ մեդալը, հպարտությա՞մբ»։