Ինչ հարց ուզում եք տվեք, բացի քաղաքականությունից, ես դրանից հեռու եմ. ՀՀԿ-ական պատգամավոր

Այսօր ԱԺ ՀՀԿ խմբակցության պատգամավոր, գործարար Արկադի Համբարձումյանը (Դերժավայի Արկադի) չցանկացավ անդրադառնալ առաջիկա քաղաքական զարգացումներին, մասնավորապես` ոչ իշխանական երեք ուժերի համատեղ հանրահավաքին:

«Ինչ հարց ուզում եք տվեք, բացի քաղաքականությունից, ես դրանից հեռու եմ»,- Yerkir.am-ի հետ զրույցում հայտարարեց պատգամավորը: Բոլոր հարցերին պատգամավորն, անգիր արած, նույն ձեւակերպումն էր հնչեցնում. «Ես ի՞նչ գիտեմ»:

ՀՀԿ-ական պատգամավորն անգամ դժվարացավ մեկնաբանել մամուլի այն հրապարակումը, որ ԲՀԿ ղեկավար Գագիկ Ծառուկյանն առաջադրելու է իր թեկնածությունը 2018թ. նախագահի ընտրություններում` ասելով. «Բա ես ի՞նչ գիտեմ»:

Հարցին` գոնե գիտի՞` ինչ խնդիրներ է լուծել իր ընտրատարածքում, եթե, իհարկե, լուծել է, պատասխանեց. «Խնդիրները լուծում ենք, կարող եք ընտրատարածքի բնակիչներից հարցնել»: