Պատերազմ վերսկսելու դեպքում Ադրբեջանին Ուկրաինայի ճակատագիրն է սպառնում. Խակամադա

ՌԴ նախագահին կից քաղաքացիական հասարակության զարգացման և իրավունքների հարցերի խորհրդի անդամ Իրինա Խակամադան հարցազրույց է տվել է ադրբեջանական haqqin.az-ին, որում հայտարարել է, որ պատերազմ վերսկսելու դեպքում Ադրբեջանին սպառնում է Ուկրաինայի ճակատագիրը:

Հարցազրույցից հատվածը՝ ստորև:

- Եվ վերջում կցանկանայինք իմանալ Ձեր կարծիքը Հարավային Կովկասում առկա իրավիճակի վերաբերյալ՝ ԼՂ հակամարտության կարգավորված չլինելու լույսի ներքո:

- Հասկացեք՝ ԼՂ հակամարտությունը ներկայումս ոչ ոքի չի հետաքրքրում: Համաշխարհային  քաղաքականությունն ամբողջությամբ զբաղված է ուկրաինական խնդրով, բոլոր միջազգային քաղաքական գործիչները հետաքրքրված են, որ այստեղ նոր պատերազմ չսկսվի, այսինքն` ամեն բան մնա այնպես, ինչպես կա: Ստատուս քվոյի ցանկացած խախտում վատ հետևանքներ կունենա և' Հայաստանի, և' Ադրբեջանի համար: Ձեր աչքի առաջ Ուկրաինայի օրինակն է: Եթե Ադրբեջանը պատերազմ սկսի նրան Ուկրաինայի ճակատագիրն է սպառնում: