Ինչո՞ւ է Դավիթ Հարությունյանի եղբայրը վաճառել «Էյր Արմենիա»-ի իր բաժնեմասը

«Էյր Արմենիա» ընկերության 49 տոկոսի բաժնետեր է դարձել բրիտանակական «East Prospect Fund» հիմնադրամը, որի ակտիվները գնահատվում են մոտավորապես 1 միլիարդ դոլար: «Էյր Արմենիա»-ի 51 տոկոսի բաժնետերը Արսեն Ավետիսյանն է: Տեղեկացնենք, որ ընկերության 49 տոկոս բաժնեմասը բրիտանական ֆոնդը ձեռք է բերել նախկին սեփականատեր, կառավարության աշխատակազմի ղեկավար-նախարար Դավիթ Հարությունյանի եղբայր Վահան Հարությունյանից:

Yerkir.am-ի այն հարցին, թե ի՞նչն է եղել հիմնական պատճառը, որ նախկին բաժնետերը վաճառել է իր մասնաբաժինը, ընկերության մարքեթինգի մենեջեր Սիրական Համբարձումյանը պատասխանեց, որ դա պայմանավորված է եղել նրա ցանկությամբ:

Նշենք նաև, որ նոր բաժնետերերը պատրաստվում են 30 միլիոն դոլարի ներդրում անել: