Հայաստանի առաջնություն. «Ուլիս»-ը շարունակում է հաղթարշավը

Ֆուտբոլի Հայաստանի Բարձրագույն խմբի առաջնության 11-րդ տուրում «Ուլիս»-ը հյուրընկալվելիս  3:2 հաշվով առավելության հասավ «Արարատ»-ի նկատմամբ:  Արդեն 5-րդ րոպեին Հովհաննես Գոհարյանը բացեց հաշիվը: 27-րդ րոպեին Քոլին Քինգը հավասարեցրեց հաշիվը, սակայն 6 րոպե անց հյուրերը կրկին առաջ անցան հաշվի մեջ: 11 մետրանոց հարվածն անվրեպ իրացրեց Արտակ Ալեքսանյանը: 39-րդ րոպեին Քոլին Քինգը կրկին հավասարեցրեց հաշիվը: Մինչ ընդմիջման գնալը «Ուլիս»-ի ֆուտբոլիստները ևս մեկ անգամ առաջ անցան հաշվի մեջ: 44-րդ րոպեին Լուբամբո Մուսոնդան հաշիվը դարձրեց 3:2: 2 րոպե անց հյուրերը ստիպված էին հանդիպումը շարունակել 10 հոգով: Կարմիր քարտի արժանացավ Սլոբոդան Լալիչը: 2-րդ խաղակեսում հաշվի մեջ փոփոխություն չգրանցվեց:  «Ուլիս»-ը տոնեց ընթացիկ առաջնությունում 10-րդ հաղթանակը:

Հայաստանի առաջնության 11-րդ տուրի մյուս 2 հանդիպումները տեղի կունենան վաղը: «Շիրակ»-ը սեփական հարկի տակ կընդունի «Փյունիկ»-ին, իսկ «Ալաշկերտ»-ը՝ «Գանձասար»-ին: