«Միկա»-ն ընդհատեց «Ուլիս»-ի հաղթարշավը

Ֆուտբոլի Հայաստանի Բարձրագույն խմբի առաջնության 13-րդ տուրում առաջատար «Ուլիս»-ը 10 անընդմեջ հաղթանակներից հետո 0:3 հաշվով պարտվեց «Միկա»-ին: Վերջինս տոնեց 4-րդ անընդմեջ հաղթանակը: 18-րդ րոպեին Տիգրան Բարսեղյանը բացեց հաշիվը: 60-րդ րոպեին «Միկա»-ի բրազիլացի պաշտպան Ալեքսը կրկնապատկեց իր թիմի առավելությունը: 83-րդ րոպեին Ռաֆայել Ղազարյանը հաշիվը դարձրեց 3:0:

«Փյունիկ»-ը «Հրազդան» մարզադաշտում հյուրընկալվեց «Արարատ»-ին և 3 անպատասխան գնդակ ուղարկեց մրցակցի դարպասը: Հյուրերի կազմում հեթ-տրիկի հեղինակ դարձավ Սեզար Ռոմերոն 34՛, 90+1՛,90+2՛ :
 

13-րդ տուրի մյուս 2  հանդիպումները տեղի կունենան վաղը: