40 հազար դրամ պահանջած դասախոսի գործով ԵՊՀ ռեկտորը դիմել է դատախազություն

Ուսանողից 40 հազար դրամ պահանջած դասախոսի վերաբերյալ դատախազություն է դիմել անձամբ ԵՊՀ ռեկտոր Արամ Սիմոնյանը:

ՀՀ գլխավոր դատախազի խորհրդական Քրիստինե Մելքոնյանը Yerkir.am-ին հայտնեց, որ Երևանի դատախազություն ստացված բողոքը ուղարկվել է Կենտրոնի դատախազություն` ուսումնասիրության: Այս պահի դրությամբ` այլ տեղեկություններ չկան:

Հիշեցնենք, որ օրեր առաջ ինտերնետում տարածվեց մի ձայնագրություն, որում լսվում է, թե ինչպես է ԵՊՀ կենսաբանության ֆակուլտետի անալիտիկ քիմիայի դասախոս Նունե Գյոկչյանը ուսանողին ասում, թե 40 հազար դրամի դիմաց կարող է պարապմունքներ անցկացնել, օգնել քննության եւ ստուգարքի հարցում: Նաև խորհուրդ է տալիս օգտվել մաթեմատիկայի դասախոսի ծառայություններից: Այս ձայնագրության հրապարակումից հետո դասախոսն ազատվել է աշխատանքից: