ԵՊՀ ռեկտորը որոշել է 150 մլն ծախսել մի քանի տարի առաջ նորոգված զուգարանների «ռեմոնտի» վրա․ 24News

24news.am-ը գրում է.

«Երևանի պետական համալսարանի իմքայլական ռեկտոր Հովհաննես Հովհաննիսյանը որոշել է 150 մլն դրամ ծախսել բուհի զուգարանների վերանորոգման վրա։

ՀՀ ֆինանսների նախարարության gnumner.am կայքում զետեղված տեղեկատվության համաձայն, պատրաստվում են նորոգել  թվով 30 սանհանգույցներ, աշխատանքն իրականացնելու համար մրցույթին մասնակցել  են երկու կազմակերպություններ՝ «Պագես» ՍՊԸ-ն և «Էտալոն Գրուպ» ՍՊԸ-ն։

Շահել է առաջինը՝ առաջարկելով նորոգությունն իրականացնելու համար 150. 846. 492 ՀՀ դրամի ծառայություններ։

Հետաքրքիր է, որ ըստ 24News-ի տեղեկությունների սանհանգույցները, որոնք գտնվում են  ԵՊՀ Կիրառական մաթեմատիկա և ինֆորմատիկայի, Կեսաբանության և  Քիմիայի ֆակուլտետներում, նորոգվել են ընդամենը մի քանի տարի առաջ ու ունեն բավական պատշաճ տեսք։

Թե ինչն է ստիպել Հովհաննիսյանին աճապարանոք՝ այն էլ ձմռանը՝ դասապրոցեսի ու քննաշրջանի ժամանակ, նորոգել այս սանհանգույցները, դժվար է ասել, սակայն մեզ հետ զրույցում ԵՊՀ աշխատակիցները բողոքեցին, որ նմանատիպ աշխատանքներն արվում են ամռան արձակուրդային ամիսներին, հիմա մարդիկ իրենց կարիքները հոգալու համար գնում են այլ ֆակուլտետների սանհանգույցներ»։