Կովկասը «Իսլամական պետության» նշանառության տակ է. Независимая газета

Արդեն հայտնել ենք, որ օրերս Ադրբեջանում 26 զինյալ է ձերբակալվել, որոնք կասկածվում են «Իսլամական պետության» և «Թալիբան» շարժման հետ կապերի մեջ: Независимая газета-ն, անդրադառնալով ձերբակալության փաստին, գրում է, որ Կովկասը ներկայումս «Իսլամական պետության» նշանառության տակ է:

Ադրբեջանի ազգային անվտանգության նախարարության տվյալներով՝ ծայրահեղական խմբավորումների մեջ ներգրավված են նաև Ադրբեջանի քաղաքացիներ: 

«Թե որքանո՞վ են վտանգավոր նման զոմբիացված մարդիկ, ցույց է տալիս   ադրբեջանցի` ոմն Վյուգար Դուրսունալիևի օրինակը: Նա  իր 15-ամյա որդուն իր օրհնությունն էր տվել, որ ծայրահեղականների շարքերում մասնակցի Սիրիայի պատերազմին»,- գրում է թերթը:

«Ադրբեջանի քաղաքացիների ձերբակալությունը ցույց է տալիս, որ «Իսլամական պետության» կազմում կռված ադրբեջանցիները վաղ թե ուշ հայրենիք են վերադառնում: Իսկ այնտեղ նրանք մտադիր չեն ձեռքերը ծալած նստել և կարող են լուրջ խնդիրներ առաջացնել»,- գրում է թերթը: