Առևտրականները կրկին բողոքում են

Այսօր վաղ առավոտից Երևանի բոլոր տոնավաճառների աշխատակիցները, հարյուրներով շարք-շարք կազմած, ընդ որում` ոտքով ճանապարհ կտրելով, քայլում են դեպի կառավարություն: Նրանք պատրաստվում են շարունակել երկու օր առաջ սկսած բողոքի ցույցը` ընդդեմ կառավարության նոր հարկային քաղաքականության, որը գործելու է հոկտեմբերի 1-ից: Նշենք, որ  կառավարության նոր հարկային քաղաքականությունը իրականում ՓՄՁ-ներին չի վնասում, պարզապես ՓՄՁ-ները մեծ շղթայի միայն մեկ օղակն են, այնինչ անհրաժեշտ է, որ բոլոր օղակները գործեն, հատկապես` խոշոր ձեռնարկատերերը: Թե ինչ լուծում կտրվի ՓՄՁ-ների բողոքին, այս պահին դեռևս հայտնի չէ:

Նշենք, որ այս անգամ ևս ուժեղացված հսկողություն է սահմանված կառավարության շենքի շրջակայքում:  Ոստիկանական երեք մեծ մեքենաներ վաղ առավոտից հսկում են շենքի հարակից տարածքը: