Դատախազը Շանթ Հարությունյանի համար 7 տարի ազատազրկում պահանջեց

Քիչ առաջ Կենտրոն և Նորք-Մարաշ վարչական շրջանների ընդհանուր իրավասության դատարանում դատախազ Գևորգ Գևորգյանը հրապարակեց նախորդ տարվա նոյեմբերի 5-ին Երեւանի կենտրոնում տեղի ունեցած անկարգությունների գործով մեղադրական ճառը:

Դատախազը պահանջեց Շանթ Հարությունյանի համար 7 տարի ժամկետով ազատազրկում, Վարդան Վարդանյանի, Ավետիս Ավետիսյանի, Լիպարիտ Պետրոսյանի համար` 6.5 տարի, Ալեք Պողոսյանի, Հայկ Հարությունյանի համար` 6 տարի, Մկրտիչ Հովհաննիսյանի համար` 5.5 , Վահե Մկրչյանի համար` 8.5 տարի, Ալբերտ Մարգարյանի համար` 8 տարի, Սեւակ Մնացականյանի, Տիգրան Պետրոսյանի, Արմեն Հովհաննիսյանի համար` 4 տարի ժամկետով:

Դատախազը Շանթ Հարությունյան որդու` Շահեն Հարությունյանի համար պահանջեց 5 տարի ազատազրկում, իսկ Միսակ Առաքելյանի համար սահմանեց տուգանք` 50. 000 դրամի չափով:

Մեղադրանքի հրապարակումից հետո Շանթ Հարությունյանը գրկել էր որդուն և նրան բաց չէր թողնում: