Թուրքիայի հակահայ կազմակերպությունը դիմում է ներկայացրել դեսպանատներին՝ Երևանում նամազ անելու պահանջով

Մատնանշելով Վանի Աղթամար կղզու Սբ Խաչ եկեղեցում տարին մեկ անգամ մատուցվող պատարագը՝ թուրքական ASİMDER (Հայկական անհիմն պնդումների դեմ պայքարի) միությունը դիմում է ներկայացրել Հայաստանում Թեհրանի և Վրաստանի դեսպանատներին՝ Երևանի մզկիթում ուրբաթ օրվա նամազ անելու պահանջով:

Ըստ Haberler-ի՝ կազմակերպության նախագահ Գյոքսել Գյուլբեյը հայտնել է, որ գրավոր դիմումն արդեն ուղարկվել է դեսպանատներ:

Նշելով, որ հարաբերությունների փոխադարձ բարելավման համար Հայաստանը պետք է «ժեստ» անի, կազմակերպության նախագահն ասել է. «ԱԳ նախարարությունը թե' վիզայի, թե' ապահովության խնդիրը իր վրա չվերցրեց և մեզ ուղղորդեց դեպի Հայաստանի դեսպանատներ: Մենք` որպես կազմակերպություն, այդ հարցով դիմել ենք Հայաստանում Թեհրանի և Վրաստանի դեսպանատներին: Տեսնենք՝ Հայաստանի պետությունը մեզ նման հանդուրժողականություն կցուցաբերի՞: Մենք ցանկանում ենք գոնե մեկ անգամ շրջագայել այն հողերում, որոնց մասին լսելով ենք մեծացել»: