Ադրբեջանցիները Շուշիում քաղաքի օկուպացիային նվիրված նամազ են անում, իսկ Փաշինյանը վարկաբեկում է հայկական բանակը

Ադրբեջանցիներն իրենց դավադրաբար հանձնված և այժմ ժամանակավոր օկուպացիայի տակ գտնվող հայոց Շուշի բերդաքաղաքում նամազ են իրականացրել` նվիրված «քաղաքի ազատագրման առաջին տարեդարձին»: Քաղաքը թշնամու վերահսկողության տակ է անցել 2020 թ. նոյեմբերի 8-ին:

Շնորհակալական աղոթքը` շյուքուր-նամազը, անցկացվել է Շուշիի պարսկական Վերին մզկիթում: 

Իսկ զուգահեռ իրականությունում Արցախի 75 տոկոսի հանձնման, մոտ 5000 հազար զոհի պատճառ դարձած ՀՀ իշխանությունների պարագլուխ Նիկոլ Փաշինյանը հարցազրույց է տալիս, որում պարտության ամբողջ մեղքը գցում է բանակի վրա` խուսափելով սեփական իշխանության ապաշնորհ գործելաոճի քննադատությունից: Փաշինյանն, իր ոճի համաձայն, դարձյալ խոսել է «խաղաղության, բարիդրացիության և ապաշրջափակման մասին», ինչպես նաև դարձյալ Արցախն անվանել ադրբեջանական տարածք: