Նանջինգ-2014. լողորդ Վահան Մխիթարյանի ցույց տված արդյունքը` օլիմպիադայում

Չինաստանի Նանջինգ քաղաքում շարունակվում է համաշխարհային պատանեկան 2-րդ  օլիմպիադան:

Այսօր տեղի ունեցած լողի մրցումներում որակավորման փուլին մասնակցող 55 երկրի լողորդների թվում էր նաև 18-ամյա Վահան Միխիթարյանը:  

50 մետր տարածությունը Մխիթարյանն անցավ 23,62 վայրկյանում, ինչը չբավականացրեց նրան մտնել կիսաեզրափակիչ:

Լավագույն արդյունքը ցույց տվեց  Բրազիլիայի ներկայացուցիչ Պաուլո Դե Սանտանան, ով տարածությունն անցան 22,55 վայրկյանում :

Այսօր ժամը 18:20-ին կանցկացվեն կիսաեզրափակիչ փուլի 2 լողահերթերը, որոնց մասնակցում են  16 ուժեղագույն լողորդներ: Մխիթարյանը նրանց թվում չէ, սակայն ընդգրկվել է չորս պահեստայինների  թվում, ու  եթե ինչ որ պատճառով կիսաեզրափկչի ուղեգիր նվաճած վերոհիշյալ 16 լողորդներից չկարողանան մասնակցել այդ փուլին, ապա Վահանը կփոխարինի նրանց:

Նշենք նաև, որ Մխիթարյանը օլիմպիադայում դեռ հանդես է գալու նաև բատերֆլայ լողաոճի 50 մ և ազատ լողաոճի 100 մ մրցատարածություններում: