Ֆուտբոլիստից՝ բանտարկյալ, ապա՝ նախագահի թեկնածու. մանրամասներ՝ Էրդողանի կյանքից (լուսանկարներ)

Այսօր Թուրքիայում իշխող «Արդարություն և զարգացում» կուսակցության փոխնախագահ Մեհմեդ Ալի Շահինը կուսակցության համաժողովի ժամանակ հայտարարեց, որ նախագահական ընտրություններում իրենց թեկնածուն երկրի ներկայիս վարչապետ Ռեջեփ Թայիփ Էրդողանն է։

Թուրքական Hurriyet-ը Էրդողանի մասին հրապարակել է մի շարք տեղեկություններ, որոնց մասին շատ չի խոսվել:

Երիտասարդ հասակում Էրդողանը ակտիվ զբաղվել է ֆուտբոլով: Նա 16 տարի խաղացել է «Erokspor»-ում:

Առաջին տիկնոջ հետ նա առաջին անգամ հանդիպել է մի համագումարի ժամանակ: Ամուսնացել են և ունեցել 4 զավակ՝ Ահմեդ, Նեջմեդդին, Էսրա և Սումեյյե անուններով:

1997 թվականի դեկտեմբերի 12-ին Շիիրթում մի հանրահավաքի ժամանակ ընթերցած բանաստեղծությունը նրա կալանավորման պատճառ է դարձել: Դատարանի որոշմամբ` նա ենթարկվել է 4 ամսվա ազատազրկման՝ «լեզվի և կրոնի խտրականություն, ոխ և թշնամանք սերմանելու» մեղադրանքով: 4 ամիս «Փընարհիսար» բանտում անցկացնելուց հետո նա ազատ է արձակվել:

Թուրքիայի վարչապետի պաշտոնը 11 տարի ստանձնելուց հետո այժմ էլ հավակնում է երկրի նախագահի պաշտոնին: