Թուրք-իսլանդական լարվածություն. թուրք ֆուտբոլիստից հարցազրույց վերցնելու ժամանակ բարձրախոսի փոխարեն զուգարանի խոզանակ են մեկնել

2020թ. Եվրոպայի առաջնության որակավորման փուլի շրջանակում հունիսի 11-ին կայանալիք Իսլանդիա-Թուրքիա հանդիպմանը մասնակցելու համար երկիր ժամանած` Թուրքիայի ազգային հավաքականին 3 ժամ սպասեցրել են օդանավակայանի անձնագրային բաժնում. հաղորդում է gazeteduvar.com.tr կայքը:

Դրանից բացի` մեկ այլ տարօրինակ դեպք է եղել նաև. թուրք ֆուտբոլիստ Էմրե Բելիզօղլուից հարցազրույց վերցնելու ժամանակ մի շարք բարձրախոսների կողքին մի երիտասարդ պարզել է զուգարանի խոզանակ:

Դեպքին իր թվիթերյան էջում արձագանքել է Թուրքիայի արտաքին գործերի նախարար Մևլյութ Չավուշօղլուն: «Մեր ազգային հավաքականի նկատմամբ վերաբերմունքն անընդունելի է դիվանագիտական վարքի տեսանկյունից էլ, մարդկային տեսանկյունից էլ: Թող մեր ազգը չկասկածի, որ մենք անհրաժեշտ միջացառումները կանենք»,- գրել է նա: