Կիսելյովը ԱԺ կարող էր Դեմիրճյան փողոցից ոտքով հասնել

Այսօր ԱԺ նիստում ընդդիմադիր պատգամավորները բարձրաձայնեցին երեկ խորհրդարանում ռուս լրագրող Դմիտրի Կիսելյովի անթույլատրելի պահվածքի մասին: ԱԺ ՀՅԴ խմբակցության պատգամավոր Աղվան Վարդանյանը հիշեցրեց,  որ ՀՀ-ում պետական լեզուն հայերենն է:

«Հետայսու խնդրում և պահանջում եմ, որ ԱԺ-ում տեղի ունեցող որևէ քննարկում, որևէ խորհրդակցություն անցկացնել` պահպանելով պետական լեզվի կարգավիճակը»,- ասաց նա:

Պատգամավորը նաև նշեց, որ կա արարողակարգային խնդիր, և  եթե ՀՀ ԱԺ փոխնախագահի ղեկավարած պատվիրակությունը Մոսկվայի օդանավակայանից հասնում է հյուրանոց երկուս ու կես ժամում, բոլորովին այլ կարգի պատվիրակությունը կարող է Դեմիրճյան փողոցից ոտքով հասնել ԱԺ շենք:

Հիշեցնենք, որ երեկ Կիսելյովի մեքենան հենց ԱԺ դռների մոտ է կայանել: Եվ սա այն դեպքում, երբ նման ընդունելության արժանանում են շատ բարձրաստիճան պաշտոնյաները: