Վայ, այս ի՞նչ հարց եք տալիս, ես պատրաստ չեմ. ֆինանսների փոխնախարարի տարօրինակ պահվածքը

ՀՀ ֆինանսների փոխնախարար, նախկինում ՊԵԿ փոխնախագահ Արմեն Ալավերդյանն այսօր լրագրողների հետ զրույցում այսպես արձագանքեց Yerkir.am-ի հարցին, թե մաքսակետ կդրվի՞ Հայաստանի ու Արցախի միջև, և ինչպե՞ս դա կանդրադառնա Արցախի տնտեսության վրա. «Վայ, այս ի՞նչ հարց եք տալիս, ես պատրաստ չեմ այդ հարցին պատասխանել: Դա այն հարցը չի, որ ես կարողանամ կարծիք հայտնեմ, ես իրավասու չեմ»:

Տեսնելով, որ լրագրողները զարմացան իր պատասխանից, ավելացրեց. «Ինչո՞ւ եք զարմանում: Ես էլ զարմանում եմ, որ դուք զարմանում եք: Ես ի պաշտոնե կոնկրետ տեղեկատվություն չունեմ, որ պատասխանեմ, նախ և առաջ էսօր էլ մաքսակետ չկա, ու չեմ կարծում, որ կլինի»: