Վրաստանի արդարադատության նախարարը մոտ օրերս կստորագրի Աշոտ Սուքիասյանի արտահանձման մասին որոշումը. պաշտոնական

Արդեն տեղեկացրել ենք, որ օֆշորային սկանդալից հայտնի Աշոտ Սուքիասյանի արտահանձնման ձգձգման պատճառն այս անգամ Վրաստանի արդարադատության նախարարն է, ով պետք է ստորագրի արտահանձնման վերաբերյալ որոշումը, ինչից հետո միայն հնարավոր կլինի կազմակերպել այդ գործընթացը:

ՀՀ դատախազությունից Yerkir.am-ին մոտ մեկ շաբաթ առաջ հայտնել էին, որ թեև Աշոտ Սուքիասյանին արտահանձնելու որոշումը պաշտոնապես ուժի մեջ է մտել, սակայն Վրաստանի արդարադատության նախարարը դեռևս չի ստորագրել համապատասխան որոշումը:

Yerkir.am-ը փորձել է հենց Վրաստանի գլխավոր դատախազության արտահանձնման հարցերով զբաղվող դեպարտամենտից որոշ մանրամասներ պարզել Աշոտ Սուքիասյանի արտահանձնման գործընթացի վերաբերյալ:

Վրաստանի դատախազությունից մեզ հայտնեցին, որ սպասում են, որ արդարադատության նախարարը մոտ օրերս կստորագրի Սուքիասյանի արտահանձնման մասին որոշումը: