Աշոտ Սուքիասյանի փախուստը խանգարեց. Նավասարդ Կճոյանը` օֆշորային սկանդալի մասին

Արարատյան հայրապետական թեմի առաջնորդ Նավասարդ արքեպիսկոպոս Կճոյանը տեղյակ չէր, որ իր սանիկին՝ օֆշորային սկանդալի մեջ ներգրավված Աշոտ Սուքիասյանին, հունիսի 19-ին տեղափոխել են Հայաստան և կալանավորել: News.am-ի հետ զրույցում արքեպիսկոպոսը հույս հայտնեց, որ արդարադատությունը շուտով ամեն ինչ կպարզի:

Սրբազան հայր, տեղյա՞կ եք, որ Աշոտ Սուքիասյանին երեկ կալանավորել են:

Աշոտ Սուքիասյանին Վրաստանում դեռ հունվարի 30-ին են կալանավորել, հիմա հո նոր չեն կալանավորել: Բայց նրան երեկ Հայաստան են տեղափոխել, տեղյա՞կ չեք: Չէ՞ որ Ձեր սանիկն է: Չէ, տեղյակ չեմ, լսեք՝ էնպիսի ագրեսիվ հարցեր եք տալիս: Չգիտեմ, ասում եմ՝ չգիտեմ, ինչո՞ւ եք այլ հարցեր տալիս:

Մի՞թե Ձեր սանիկի ճակատագրով չեք հետաքրքրվում:

Մենք բոլորի կյանքով ենք հետաքրքրվում, իր վիճակով նույնպես:

Իսկ ի՞նչ եք կարծում, սրբազան հայր, այսքանից հետո օֆշորային սկանդալը կբացահայտվի:

Այո, համոզված եմ, որովհետև Աշոտ Սուքիասյանի փախուստը խանգարեց դրան: Միակողմանի փաստեր և մեկնաբանություններ էինք լսում կամ այլ խոսքեր, իսկ հիմա մյուս կողմը կա, և ամեն ինչ կպարզվի: Պետք է երկու կողմերին լսել:

Օֆշորային սկանդալի մեջ շրջանառվում է նաև Ձեր անունը: Հնարավո՞ր է` Ձեզ նույնպես հարցաքննության կանչեն:

Ինձ ինչո՞ւ պիտի կանչեն հարցաքննության: Մամուլի գրածն ու Ձեր ասածը նույն բաներն են: Փաստեր են պետք, և իրականությունը բացահայտելու գործընթաց է պետք: Մամուլն ինչ ասես գրում է, փաստեր են պետք, փաստեր:

Հարցազրույցն ամբողջությամբ` սկզբնաղբյուր կայքում