Հոնկոնգի օդանավակայանում նստացույց է. պատճառը` դարձյալ արտահանձման մասին օրենքն է

Հոնկոնգի միջազգային օդանավակայանի ժամանումների սրահում արտահանձնման մասին օրենքում փոփոխություններին դեմ հարյուրավոր ցուցարարներ նստացույց են իրականացնում, հայտնում է South China Morning Post-ը:

Լրատվամիջոցի տեղեկություններով` բողոքի ակցիան սկսվել է տեղական ժամանակով ժամը մոտ 13:00-ի սահմաններում օդանավակայանի ժամանումների սրահում, որտեղ ցուցարարները թռուցիկներ են բաժանում ուղևորներին, որում մանրամասն բացատրում են բողոքի ակցիայի պատճառները:

Բողոքի ակցիան նախաձեռնողները լիահույս են, որ իրենց ակցիան մասշտաբային բնույթ կկրի և, որ ամենակարևորն է` տեղի ոստիկանությունը կհարգի խաղաղ բողոքի ակցիա իրականացնելու բնակիչների սահմանադրական իրավունքն ու չի փորձի միջոցներ գործադրել այն ցրելու նպատակով:

Նշվում է, որ չնայած ակցիայի կազմակերպիչների պնդումներին` միանգամայն խաղաղ է անցնելու ամեն ինչ, օդանավակայանի ղեկավարությունն ուժեղացրել է անվտանգության միջոցառումները: 

Ավելի վաղ տեղեկացրել էինք, որ անհնազանդության ակցիաներն Հոնկոնգում սկիզբ էին առել դեռևս հունիսի սկզբին՝ արտահանձնման մասին օրենքում փոփոխություններ մտցնելու իշխանությունների որոշման պատճառով: Փոփոխությունների ընդունման դեպքում` թույլ կտրվի Հոնկոնգին կասկածյալներին հանձնել Չինաստանի մայրցամաքային հատվածին, Թայվանին, Մակաոյին, որոնց հետ շրջանը չունի արտահանձնման մասին համաձայնագրեր: