Հյուսիսային պողոտայի «Մոսկվիչկա» սուպերմարկետի մոտ երիտասարդի դի է հայտնաբերվել

Shamshyan.com-ը հայտնում է, որ այսօր՝ մայիսի 6-ին, ինքնասպանություն է տեղի ունեցել Երևանում: Ժամը 01:40-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Հյուսիսային պողոտայում` «Մոսկվիչկա» սուպերմարկետի հարևանությամբ, երիտասարդի դի կա:

Ըստ ֆոտոլրագրող Գագիկ Շամշյանի` դեպքի վայր է ժամանել ոստիկանության Կենտրոնականի բաժնի օպերատիվ քննչական խումբը՝ ոստիկանության քննչական գլխավոր վարչության Երևանի քննչական վարչության Կենտրոնի քննչական բաժնի ավագ քննիչ Արգիշտի Տոնոյանի գլխավորությամբ: Նրանք պարզել են, որ դեռևս անհայտ պայմաններում բազմահարկ շենքից իրեն ցած է նետել 20-25 տարեկան մի երիտասարդ: Նա տեղում մահացել է:

Ոստիկանությունը ձեռնարկում է օպերատիվ հետախուզական և քննչական համատեղ գործողություններ՝ մահացածի ինքնությունը պարզելու համար:

Մանրամասները` սկզբնաղբյուր կայքում: