Ինչ կապ ունի ՀՀԿ-ական պատգամավորը Հյուսիսային պողոտայի շինարարության հետ

ՀՀԿ-ական պատգամավոր Հովհաննես Սոֆոյանին վերջին շրջանում հաճախ կարելի էր տեսնել Հյուսիսային պողոտայում՝ շինարարական աշխատանքներին հետեւելիս: Yerkir.am-ը փորձել է պարզել, թե ի՞նչ կապ ունի նա այդ շինարարության հետ: Պարզվում է՝ պատգամավորն «ուղղակի հետևում էր այդ աշխատանքներին»: Պարզվում է նաեւ, որ շինարարությունն իրականացվել է Սամվել Կարապետյանի ընկերության կողմից:

«Շինարարները կառուցել են, ես էլ ժամանակ առ ժամանակ հետևել եմ այդ աշխատանքներին: Որպես մասնագիտությամբ շինարար` հետևել եմ, թե ոնց են ընթանում այդ աշխատանքները` հա'մ իմ ընկերոջ ներդրածը, հա'մ մեր մայրքաղաքի կենտրոնի որակը»,- ասաց նա մեզ հետ զրույցում:

Հարցին` գո՞հ է ընթացող աշխատանքներից, Հովհաննես Սոֆոյանը պատասխանեց. «Շատ բարձր որակի է կառուցվում Հյուսիսային պողոտան, որակով թանկ շինարարական նյութերով: Ամբողջ հատակը գրանիտ ա»: