Կրակել են Հյուսիսային պողոտայի Chronograph Armenia խանութի վրա

Կրակել են Հյուսիսային պողոտայի Chronograph Armenia թանկարժեք ժամացույցների խանութի դռան ապակու վրա՝ հայտնում է Shamshyan.com-ը:

Երեւանում այսօր՝ սեպտեմբերի 7-ին, ոստիկանության երկու աշխատակիցներ Հյուսիսային պողոտայում ծառայություն կատարելիս են եղել, երբ օպերատիվ տեղեկություն են ստացել, որ Հյուսիսային պողոտայում կրակոց է հնչել։

Կենտրոնական բաժին են բերման ենթարկել Կոտայքի մարզի բնակիչ՝ 23-ամյա Սամվել Մ-ին։ Նրա մոտ հայտնաբերվել է որսորդական, սպորտային ողորկ-երկարափող հրազեն, որով էլ կրակել է Chronograph Armenia խանութի դռան ապակու վրա։

Փաստի առթիվ ոստիկանության կենտրոնական բաժնի հետաքննչական բաժանմունքում նյութեր են նախապատրաստվում։

Սամվել Մ-ն ստորագրությամբ բաց է թողնվել։