ԱՄՆ Սենատը կոչ է անում Օբամային՝ 1915 թվականի իրադարձությունները որակել որպես ցեղասպանություն

ԱՄՆ Սենատը 1915 թվականի Հայոց ցեղասպանության ճանաչման վերաբերյալ նոր օրինագիծ է ներկայացրել:

Ըստ Haberler-ի՝ օրինագիծը ներկայացրել են հայկական լոբբիի կողմնակիցներ` Սենատի արտաքին հարաբերությունների հանձնաժողովի նախագահ Ռոբերտ Մենենդեսը եւ հանրապետական սենատոր Մարկ Կիրկը: Նրանք կոչ են անում ԱՄՆ նախագահին՝ 1915 թվականի իրադարձությունները որակել որպես ցեղասպանություն:

Օրինագծում տեղ են գտնում հետևյալ տողերը. «Հայոց ցեղասպանության վերաբերյալ ճշմարտությունները Թուրքիայի Հանրապետության կողմից ճանաչվելու, հայ-թուրքական հարաբերությունների արդար, կառուցողական, կայուն և տևական լինելու ուղղությամբ աշխատանքներ պետք է տարվեն»: