Թույլ չտանք նոր ցեղասպանություններ. թուրք մտավորականները՝ Քեսաբում տիրող իրավիճակի մասին

Թուրք մտավորականները անտարբեր չեն Քեսաբում տիրող իրավիճակին:

Գրող և հրատարակիչ Ռագըփ Զարաքօլուն Քեսաբի մասին հոդվածում գրում է.

«Ալ Քաիդա»-ի հետ առնչվող խմբավորումները, Անկարայից հանգիստ անցում կատարելով, ռմբակոծում են սահմանից այն կողմ գտնվող Քեսաբը: Քեսաբի առանձնահատկությունը հայկական գյուղաքաղաք լինելն է: Քեսաբի բնակիչները 1915 թվականին և 1939 թվականներից հետո դարձյալ հայտվել էին գաղթի ճանապարհին և ապաստանել Լաթաքիայում: Իսկ եթե այդ ռմբակոծված սիրիական օդանավը բնակչության պաշտպանության համա՞ր էր այնտեղ հայտվել: Իսկ մյուս կողմից զինված խմբավորումները շատ հանգիստ սահմանն են անցնում, ռմբակոծում Քեսաբը: Եվ Թուրքիայի Հանրապետությունը, ասես, պարտականություն է ստանձնել՝ արագորեն փոխել Սիրիայի ներքին պատերազմի նկատմամբ իր քաղաքականությունը»:

Մեկ այլ հայտնի թուրք մտավորական, գրող և հրապարակիչ Սիիթ Չեթինօղլուն նշում է, որ Քեսաբից հեռացածների ունեցվածքը կողոպուտի է ենթարկվում, և կան ականատեսներ:

«Քեսաբում ծանոթներ ունեմ: Մուսալեռցի պատմաբան Հակոբ Չոլաքյանն այնտեղ էր ապրում: Շատ եմ մտահոգվում իմ մտերիմների վիճակով: Քեսաբն իր գյուղերով դրախտավայր է երկրի երեսին: Կան վկայություններ, որ այնտեղ թալանն արվում է Թուրքիայի աջակցությամբ: Հայերի ունեցվածքն աչք էր ծակում, այդ իսկ պատճառով Ցեղասպանությամբ էր ավարտվել: Իսկ հիմա՝ Քեսաբի հարստությունն ու գեղեցկությունը: Թուրքիայում ծայրահեղ մուսուլմանները դրախտավայրը վերածելու են դժոխքի: Պետք է կանխել 1915 թվից փրկված և Քեսաբում հաստատված հայերի ողբերգության շարունակությունը: Թույլ չտանք նոր ցեղասպանություններ»:

Թարգմանությունը՝ Արազ Գայմագամյանի