ՀՀԿ-ական պատգամավորը դեմ է կուտակային կենսաթոշակային համակարգի պարտադիր բաղադրիչին

«»168 ժամը» գրում է.«Աժ ՀՀԿ-ական պատգամավոր Վրեժ Մարկոսյանը դեմ է կուտակային կենսաթոշակային համակարգի պարտադիր բաղադրիչին։

«Ես մտածում եմ, որ ճիշտ կլինի, որ լինի ցանկությամբ. ոչ թե պարտադիր, այլ՝ ցանկությամբ»,- մեր թղթակցի հետ զրույցում ասել է ՀՀԿ-ական պատգամավորը։ Նա նշել է, որ իրեն համոզել են ոչ թե ընդդիմության փաստարկները, այլ՝ ժողովրդի ընդվզումը։ Վրեժ Մարկոսյանը նկատել է, թե ամեն մեկը պետք է «մտածի իր խղճով», ապա հայտարարել. «Ես կոնկրետ որ մտածում եմ, որ իմ ժառանգորդները պետք է 40 տարով վճարեն... թող 40 տարի չլինի, թող 5 տարի լինի, 10 տարի լինի»։

«Նման դեպքերում, եթե որևէ պատգամավոր ցանկանում է ինքը միայնակ հանդես գալ՝ դուրս խմբակցությունից, ավելի ազատ լինել իր տրամաբանության մեջ, ապա կարծում եմ, որ կողքի շարքերում բավականին նստատեղեր կան՝ կարող է տեղափոխվել»,–թերթի փոխանցմամբ` ասել է ՀՀԿ խմբակցության ղեկավար Գալուստ Սահակյանը։

Մանրամասն՝ թերթի այսօրվա համարում։