Lenta.ru-ի խմբագրակազմն ազատվել է աշխատանքից «կրեմլյան» խմբագրի նշանակումից հետո

Երեկ «Афиша-Рамблер-SUP» ընկերության սեփականատեր Ալեքսանդր Մամուտն աշխատանքից ազատել է «Лента.ру»-ի գլխավոր խմբագիր Գալինա Տիմչենկոյին, որը կայքը ղեկավարում էր 2004 թվականից:

Դեպքի հետ կապված՝ պարբերականի խմբագրական կազմը հայտարարությամբ է հանդես եկել, որում հայտարարել է, որ որոշակի պարզաբանումներ է պահանջում:

 «Անկախ գլխավոր խմբագրի պաշտոնանկությունը և ուղղակիորեն կրեմլյան աշխատասենյակներից կառավարվող մարդու նշանակումն արդեն իսկ գրաքննության անթույլատրելիության մասին` ԶԼՄ-ների վերաբերյալ օրենքի խախտում է»,- ասվում է հայտարարությունում:

Լրագրողները նշում են, որ վերջին տարիներին Ռուսաստանում ազատ լրագրության տարածքը տագնապալի կերպով փոքրանում է: Որոշ պարբերականներ ուղղակիորեն կառավարվում են Կրեմլի կողմից, մյուսները՝ համակարգողների, երրորդները՝ խմբագիրների, որոնք վախենում են կորցնել աշխատանքը:

«Որոշ ԶԼՄ-ներ փակվել են, մյուսները կփակվեն առաջիկա ամիսներին: Խնդիրն այն չէ, որ մենք կզրկվենք աշխատանքից, այլ այն է, որ դուք, կարծես, այլևս կարդալու բան չեք ունենա»,- եզրափակում են լրագրողները: