«ԱրմենՏելի» կոմերցիոն տնօրենի մահվան դեպքը հնարավոր էր կանխել

Փետրվարի 3-ին Ծաղկաձորի Թթու ջուր կոչվող տեղանքում հայտնաբերված`  «ԱրմենՏել» ընկերության կոմերցիոն տնօրեն` 35-ամյա Արչիլ Մաղրաձեի մահվան վերաբերյալ բազմաթիվ քննարկումներ եղան, շրջանառվեցին տարբեր վարկածներ, սակայն շատ հարցեր այդպես էլ մնացին անպատասխան: Հիմնական հարցը, որը հուզում էր շատերին, այն էր, թե ինչպե՞ս կարող էր Մաղրաձեն մոլորվել մի վայրում, որտեղ մշտապես անվտանգ և հարմարավետ հանգստի պայմաններ են ապահովվել շատերի, հատկապես` զբոսաշրջիկների համար:

Եվ հենց այդ հարցի պատասխանը գտնելու համար yerkir.am-ը սկսեց իր հետաքննությունը, ինչը ցույց տվեց, որ վրացի երիտասարդի մահվան դեպքը հնարավոր էր կանխել: Վաղը yerkir.am-ը մանրամասնորեն և փաստարկված կհաստատի վերը նշվածը, ինչպես նաև կտա  մինչ այս բարձրաձայնված, սակայն այդպես էլ անպատասխան մնացած հարցերի պատասխանները: