Իսպանիայի Լա լիգա. 23-րդ տուր. ամփոփում

Իսպանիայի ֆուտբոլի առաջնությունում Մադրիդի  «Ռեալ»- ը «Սանտիագո Բեռնաբեո» մարզադաշտում ուժերը չափեց «Վիլյառեալ»-ի  հետ: Առաջին խաղակեսի արդեն 7-րդ րոպեին Գարեթ Բեյլը, խլելով գնդակը «Վիլյառեալ»-ի պաշտպանից, մենակ դուրս եկավ դարպասապահի դեմ և բացեց հաշիվը: 18 րոպե անց, Բեյլի փոխանցումից հետո, մոտ տարածությունից Բենզեման կրկնապատկեց հաշիվը՝ 2:0:  42-րդ րոպեին «Վիլյառեալի» պաշտպան Մարիոն կարողացավ կրճատել հաշվի տարբերությունը, եւ առաջին խաղակեսն ավարտվեց 2:1:

 2-րդ խաղակեսի 64-րդ րոպեին Ռոդրիգեսը վերականգնեց 2 գնդակի առավելությունը, սակայն 5 րոպե անց կրկին «Վիլյառեալ»-ը հասցրեց հաշվի տարբերությունը նվազագույնի: Գոլի հեղինակ դարձավ Ջիովանի Դոս Սանթոսը: Հանդիպման վերջնական հաշիվը 76-րդ րոպեին ձևակերպեց Կարիմ Բենզեման:

Մադրիդի «Ռեալ» -«Վիլյառեալ» -  4:2:

Կատալոնական «Բարսելոնա»-ն հյուրընկալվեց «Սևիլիա»-ին:

Խաղի  15-րդ րոպեին Ալբերտո Մորենոն առաջ մղեց տան տերերին, սակայն կապտանռագույնները ընդմիջման գնացին հաղթական հաշվով: Նախ 34-րդ րոպեին Ալեքսիս Սանչեսը հավասարեցրեց հաշիվը, այնուհետև` 10 րոպե անց, Մեսսին առաջ մղեց իր թիմին: 2-րդ խաղակեսում «Բարսելոնա»-ն ևս 2 գնդակ ուղարկեց մրցակցի դարպասը: 56-րդ րոպեին այս խաղում 2-րդ անգամ աչքի ընկավ Մեսսին, իսկ հանդիպման հիմնական ժամանակից 2 րոպե առաջ Ցեսկ Ֆաբրեգասը հաշիվը դարձրեց 1:4:

Հանդիպումն այսպես էլ ավարտվեց:

Մինչ այս տուրը մրցաշարային աղյուսակը միանձնյա գլխավորող Մադրիդի «Ատլետիկո»-ն, հյուրընկալվելով «Ալմերիա»-ին , 2 գնդակ ընդունեց սեփական դարպասը: Դաշտի տերերից դուբլի հեղինակ դարձավ Ժոզե Անտոնիո Վերցան՝ 80 և 86-րդ րոպեներին գրավելով մրցակցի դարպասը: Նշենք նաև, որ հյուրերի  դարպասապահ Դանիել Արանզուբիան արժանացավ կարմիր քարտի, և տանտերերը ստացան 11 մետրանոց հարվածի իրավունք: 11 մետրանոց հարվածը անվրեպ իրացվեց:

Տուրի մյուս խաղերում գրանցվեցին հետևյալ հաշիվները`

«Օսասունա» - «Խետաֆե» -  2:0

«Վալյադոլիդ»-«Էլչէ»-  2:1

«Ռեալ Ս.»-«Լևանտե»- 0:0

«Վալենսիա»-«Բետիս»- 5:0

«Ռայո Վալենկանո»-«Մալագա»- 4:1

«Էսպանյոլ»-«Գրանադա»- 1:0

«Սելթա»-«Ատլետիկ Բիլբաո»- 0:0