Եթե իմանայի, որ նրանք ազգայնամոլ են, երբեք չէի հանդիպի նրանց հետ. Ռիչարդ Կիրակոսյան

Արդեն տեղեկացրել ենք, որ թուրք ազգայնամոլ Հասան Օքթայը երկօրյա այցով Հայաստանում է եղել եւ Երեւանի Հանրապետության հրապարակում լուսանկարվել` թուրքական ահաբեկչական  «Գորշ գայլեր» կազմակերպության խորհրդանիշը ցուցադրելով: Նա այստեղ հանդիպումներ է ունեցել թուրքագետ Հակոբ Չաքրյանի, քաղաքագետ Ռիչարդ Կիրակոսյանի եւ «Անկախ» կայքի աշխատակիցների հետ եւ ֆեյսբուքյան իր էջում տեղադրել լուսանկարներ:

«Այո, ես երեկ հանդիպել եմ թուրք դասախոսի եւ լրագրողի հետ: Նրանք մի քանի փորձագետների հետ էլ են հանդիպել Հայաստանում: Ես շոկի մեջ էի, երբ իմացա, որ նրանք թուրք ազգայնամոլներ են: Ես միայն հանդիպումից հետո` սոցիալական ցանցերում տարածված լուսանկարներից եմ հասկացել, որ նրանք ազգայնամոլ են: Եթե ես իմանայի, որ նրանք ազգայնամոլ են, ես երբեք չէի հանդիպի նրանց հետ»,- Yerkir.am-ի հետ զրույցում, խոսելով հանդիպման մասին, ասաց Ռիչարդ Կիրակոսյանը:

Նա տեղեկացրեց, որ թուրքերը հետաքրքրվում էին հայ-թուրքական հարաբերություններով: